Безвизен режим и неговата злоупотреба при патување во земјите на Европската Унија
Во четврток, 07.07.2011 година во 13.00 часот во просториите на полициската станица во Делчево се одржа седница на Советодавната група на граѓани во општина Делчево, оо рамките на проектот“Соработка помеѓу полицијата и локалното население “имплементиран од страна на ОБСЕ-Мисијата во Скопје, преку Одделението за соработка со полицијата и локалното население, кој се имплементира на територијата на Република Македонија.
Воведно излагање на состанокот даде Инспекторот за превенција Виолета Илиевска при ПС Делчево, по што следуваше излагањето на Инспекторот за странци од РЦ за Исток-Љупчо Ангеловски, кој ги изнесе главните состојби во државата за и околу функционирањето на Визната либерализација, која Република Македонија ја има добиено во декември 2009 година, со која граѓаните на нашата држава можат слободно без визи да патуваат во земјите на ЕУ и уште три други држави во Европа.
