Стартуваше изградбата на улицата Св.Климент Охридски во населба Милково Брдо во Делчево
Во рамките на реализацијата на објавената јавна набавка за изградба на локални улици на територијата на град Делчево кон крајот на 2010 година, и склучениот договор помеѓу ЕЛС Делчево и ДООЕЛ Ринџи компани од Делчево, започна изградбата на улицата Св.Климент Охридски во населбата Милково Брдо во Делчево.
Во рамките на градежните работи предвидени се зафати за Земјани, работи, поставување на ивичници како и поплочување на улицата со бекатон плочки, во целосен износ на финансиските сретства од 1. 289. 173,00 мкд (цена со пресметан ДДВ), според Договорот за реализацијата на позициите вклучени во техничката документација. Станува збор за изградба на улицата со површина од 939 м2. Со изградбата на оваа улица во огромна мера се подобруваат и задоволуваат основните инфраструктурни услови на комуникација на граѓаните на општина Делчево кои гравитираат кон овој дел од градот. Оваа улица како приоритет за реализација беше истакната од страна на урбаната заедница на Милково брдо.
Оваа акција продолжува и понатаму за истакнување на приоритетни проекти за реализација во соработка со Урбаните и месните заедници на територијата на општина Делчево, паралелно со процесот на формирање и унапредување на работењето на овие официјални тела на ЕЛС Делчево, како многу значаен сегмент во Програмата за работа на Градоначалникот на општина Делчево г-динот Горан Малешевски.
