Општина Делчево учествуваше на саемот за прекугранични проекти во Ќустендил, Република Бугарија

На 21 септември 2012 година на плоштадот Велбужд во Ќустендил се одржа Саемот на прекугранични проекти финансирани во рамки на првиот повик од Програмата за прекугранична соработка Македонија-Бугарија 2007CB16IPO007. Саемот беше организиран во состав на прославата на Европскиот ден на соработка, кој се прославуваше низ Европа и соседните земји.

Општина Делчево со партнерот општина Благоевград на саемот се претстави со промотивните материјали изработени во рамки на проектот „Разумно искористување на еко ресурсите на планините Голак и Влаина“, што се спроведуваше во периодот мај 2011-август 2012. Штандот на нашиот проект предизвика многу внимание и интерес кај посетителите особено за Прирачникот за собирачи на билки и шумски плодови.